الحب بدأ في الحمام !!!أكرمكم الله...

**القلب المجروح** · 09-08-08, 09-08-08

بسم الله الرحمن الرحيم

يقال أن القصة حقيقية ووقعت بمدينة جدة والله أعلم

أكملوا القصة فأنها جريئة غريبة ولكنبريئة

اترككم مع احداث هذه القصه:

يحكي عن نفسه:

كالعادهفي نهايه كل اسبوع نطلع بالعائله نتمشى ونتعشى بمنتزه (بدون ذكر اسامي)

وهوعباره عن قريه كبيره فيها مطاعم وملاهي وجلسات عائليه

راح اخواني يلعبون فيالملاهي وابوي جالس يسولف مع باقي الاهل

انا في لحظه احتجت اني اروح للحمام (كرمكم الله) ويا ليتني ما رحت !!!

الحمامات في هذه القريه موزعه يعنيفي الاطراف

وحمام النساء معزول عن حمام الرجال كل فى طرف

الجلسه اليكنا فيها في قريب منها حمام

انا ما كنت ادري عنه هو حمام رجال والا حمامنساء

جلست ادور عن لوحه تبين هذا الحمام لمين لكن مافي اي لوحه

منسوء حظى كانت اللوحه موجوده بس الشجر مغطي عليها

جلست استنى احد يدخل اويخرج عشان اعرف هو حق رجال والا نساء

جلست لمده تقريباً خمس دقايق والوضعلايطاق

بعدها قررت اني ادخل هالحمام لان بقيه الحمامات بعيده وما اظني بقدراوصلها واخيراً دخلت الحمام

ودخلت احد المراحيض (كرمكم الله) وبعد عدة دقائقوالا اسمع اصوات حريم !!!

جلست افكر الحريم دخلوا حمام الرجال والاانا دخلت حمام الحريم ؟؟؟

تمنيت يكون الحريم الي غلطانين .....لكن حصل اليلا على البال ولاعلى الخاطر ؟؟؟

أنا الي غلطان بالحمام !!! والله البلشه وش اسوي الحين .

بقيت في الحمام استنىالحريم يخرجون بس الظاهر شكلهم مطولين.

والله وشوي ويدخلون دفعه جديدهوانا جالس في مكاني استنى الحممام يصير فاضي

طلعوا دفعه ودخلوا دفعه ثانيهوثالثه وانا جالس مكانى

اخر شي قررت لازم اطلع ولو اقل شياحاول

وفعلاًافتح باب المرحاض واشوف وش جالسين يسون ذولا الحريم الي مارضوايخرجون الى الحين .

واطلع وش اطالع !!!

الي جالسه تصلح المكياجوالى جالسه تسوي الحمره والي تسوي الكحل

واخر شي تضبط ذاك البرقع وتجيكطالعه

فعلاً ذاك اليوم شفت بعيني ان الي قال هذا المثل كان صادق

(ياما تحت البراقع ضفادع) !!!

بعد ما يقارب ثلاثين دقيقهالوالد افتقدني لاحس ولاخبر

شوي الا جوالي يدق !!! الوالد !!! وعلى طول اسكته واضغط صامت

عاد وقتها كان في بنتين بالحمام جالسين يسولفونومن سمعوا الجوال على طول سكتوا

كأنهم حسوا ان في احد غيرهم فيالحمام

كانوا يحسبون انفسهم لحالهم في الحمام ما دروا اني متنقع فيه لي نصساعه

بعد هدوء عم المكان بدأ هذا الحوار....

اقلك هدى كأنه في احد فيالحمام غيرنا

هدى : والله ما ادري ؟؟؟

يمكن وحده ناسيه جوالها فيالمرحاض ...

روان روحي شوفي المرحاض اذا ناسيته خلينا نحاول ندق على اي رقمفيه

عشان نوصله لصاحبته تلقينها الحين مسكينه قالبه الدنيا تدورعليه

روان : طيب ...

وتحاول روان تفتح باب المرحاض عشان تقدر تدخلوتاخذ الجوال لكن الباب مصكوك

روان : هدى... الباب مصكوك ...

هدى : دقي على الباب يمكن يكون في احد داخل ...

وتدق روان الباب

ويختبصأحمد وش يسوي الحين يرد عليها والا يتنحنح والا يقلد صوت بنت ويقول ايوه والله هذيالبلشه !!!

روان : ماحد يرد ...

هدى : طيب عندي فكره

وشرايك تطالعين من تحت لايكون في وحده بس صار لها شي يعني داخت والا يمكنماتت...

روان : اعوذ بالله منك ... صاحيه انتي ...لالالالالالامستحيييييييل اطالع من تحت الباب...

هدى : بعدي يا جبانه انا ابطالع منتحت...

روان : طيب يا انسه المهمات الخاصه انتي...

أحمد من سمعهالفكره الشينه نط(قفز) فوق المرحاض عشان ما تشوف هدى ارجوله...

هدىطالعت من تحت الباب والا مافي احد !!!

هدى : اقلك روان مافي حد بالحمام ...

روان: ؟؟؟؟؟؟؟

هدى : وش رايك...

قاطعتها روان : لا فكينا ادري وش يدور في راسك

هدى اقلك بعدي اناابطالع من فوق ...

وتدخل هدى المرحاض الي جنب المرحاض الي جالس فيه أحمد

وتطلع فوق الكرسي الافرنجي وتطالع من فوق !!!

أحمد خلاص استسلم للامر الواقع وجلس في مكانه

ولمن طالعت هدى من فوق طالع أحمد فيها وطاحت عينها بعين أحمد !!!

هدى على طول صرخت بأعلى صوتها (رجاااااال)

ونزلت من فوق وجات تبي تخرج من الحمام وهي تركض وروان تركضوراها...

أحمد طلع من المرحاض بسرعه ولحق ورا هدى الي كانت سابقه روان لبابالخروج من الحمام...

مسك احمد يد هدى من الكوع

هدى صرخت بصوتأعلى وخافت...

أحمد: استني يا بنت الناس اسمعي السالفه

هدى : فكيدي يا قليل الادب وش دخلك حمام الحريم

أحمد : والله ما كنت ادري انه حمامحريم

هدى: لاه يا شيخ ... واللوحه الي برا حتى الاعمى يشوفها

أحمد : يا بنت الناس والله ما شفتها دورت عن اي لوحه وما لقيت وكان وضعي متأزم واضطريت انيادخل

هدى : ايه اضحك علينا ... طيب ليه جالس في الحمام وساكت طولالوقت

أحمد بأستغراب: اجل وش تبيني اسوي يا بنت الناس اطلع واقلك انا رجالهنا ...

هدى : طيب اقل شي تنحنح

احمد هز ايدينه ومسك راسه في حركهعفويه

روان طاحت ضحك مع انها كانت طول الوقت مستمعه للحوار الي يدور

هدى انحرجت من غبائها

احمد استغل الموقف لصالحه وبادرها بالسؤال :

انتي الحين ليه اول شي طالعتي من تحت بعدين من فوق وش تسمين ذي هاه

هدى وجهها صار احمر (طبعاً الربكه الي كانت صايره نست البناتيتغطون)

أحمد استسلم لجمال هدى الصارخ من جد البنتكانت روعه ولمن حمر وجههازادها جمال على جمالها

هدى لاحظت عيون احمد الي ما رمشت عينه وجالس يطالعفيها

وكأنه ما يبي يضيع ثانيه وحده من دون ما يطالع فيها

هدى علىطول ردت غطاها على وجهها

روان يوم شافت الي صار على طول هي بعد ردت غطاهاعلى وجهها

مع انها مو مثل روان بالجمال لانها باقي صغيره والجمال باقي ماوصل ذروته عندها

روان طبعاً تصير اخت هدى وهي اصغر منها بسنتين وعمرها 19وكان عمر هدى طبعاً 21

احمد كان عمره تقريباً نفس عمرهدى...

احمد : طيب يا بنت الناس الحين ابي اطلع كيف ... وش اسوي ... انا متنقع هنا لي نص ساعه ...

هدى وروان ماتوا ضحك عليه وقالوا بصوت واحد : نص ساعه !!!

احمد انحرج وقام يخلخل شعره بيدينه

احمد كان وسيممو حلو موت ولا شين يعني عادي فيه الصفات الي تحبها اي بنت الجسم رياضى

احمدمن اول ما خلص المتوسطه التحق بنادي كمال اجسام

واللون والشعر والعيون يعنيلابأس يمشي الحال ...

في الوقت الي كانت هدى تصارخ كان في حريم ماشين منقدام الحمام ...

ام ناصر : عسى ماشر وش ذا الصراخ

ام خالد : والله ما ادري ... اقلك لايكون بس وحده من بناتنا طاحت وتعورت

ام ناصر: ياويلي ... تعالي خلينا نلحق بناتنا

وتدخل ام ناصر وام خالد الحمامبسرعه

احمد من شاف الباب انفتح على طول دخل المرحاض الي كان فيه ...

ام ناصر : سلامات يا بنات وش فيكم ؟؟؟

روان وهدى : ؟؟؟؟؟؟؟؟؟

ام خالد : انتم بخير ؟؟؟ فيكم شي ؟؟؟ عسىماشر؟؟؟

هدى : لا يا خاله ما في شي ... ليه انتم وش فيكم؟؟؟

ام ناصر : سمعنا صراخكم من اخر الدنيا وتقولون وش في

هدىتذكرت انها كانت تصارخ : ايه لا بس تزحلقت مع المويه وطحت

ام خالد : عسى ماتضررتي

هدى : لا ابشرك يا خاله ما جاني شي

ام ناصر : انتبهوا يابناتي الله يحفظكم

ام ناصر و ام خالد طلعوا من الحمام بعد ما تأكدوا انبناتهم مو الي في الحمام

روان: تعرفينهم ذولا

هدى: لاليه

روان : مساكين شكلهم خايفين علينا

هدى وروان: هههههههههههههههههههههههههه

هدى : اوووووووو نسينا الرجالبالمرحاض

هدى وروان: ههههههههههههههههههههه

احمد جالس يسمع الضحك وهومبسوووووووووووووووووط......

طلع احمد من المرحاض : دوم ان شاء هالضحكه (وهو يطالع في هدى)

هدى حمر وجهها ... وروان جالسه تضحك...

احمد : مين منكم هدى ومين روان ...

البنات استغربوا كيف عرفتاسامينا

احمد : عادي ما قلت لكم اني متنقع لي نص ساعه ... سمعت كلكلامكم ..

هدى : ايه اشوى ... طيب ... انا هدى وهذي اختي الصغيرهروان

احمد : عاشت الاسامي

البنات بصوت واحد : تعيش ايامك

هدى : يالله اطلع قبل محد ثاني يدخل

احمد: طيب ... روان اطلعي راقبي من عندالباب في احد جاي والا لا واشري لنا

روان : طيب ...

وتطلع روان عندالباب وتشوف والا مافي احد وتأشر لاحمد وهدى : يالله بسرعه مافي احد

احمدمتخبي ورا هدى وماسك كتوفها

هدى التفتت على المرايه وشافت الوضعيه الي هوفيها كيف خايف

وباين ان الحركه طلعت من برائه يعني مو متقصدها وتركته ماقالت شي

روان برا تراقب وشوي والا في بنوته صغنونه جايه تركض وامها جايه منبعيد تمشي

روان : اندسوا(اتخبوا)... اندسوا ... في حرمهجايه

احمد على طول رجع المرحاض ... هدى خافت شوي... وروان برا جالسه تعطلالبنت

البنت دخلت الحمام بعدها جت امها وما طولوا ومشوا ...

بعد ما مشوا هدى تكلم روان: ها في احد جاي

روان : لا ... يالله بسرعه تعالو

هدى : طيب ... احمد يالله امشي بسرعه

احمد طلعوراح يمشي ورا هدى وهو متخبي بس مو مثل المره الاولى

روان : يالله بسرعهخلاص الطريق فاضي

هدى : يالله احمد خف ارجولك بسرعه

احمد : يالله اناوراك

فتحت روان لهم الباب وخرجوا ورا بعض بسرعه ...

بعد ماخرجوا من الحمام وقفوا ... ولحظة صمت !!!

خلاص هذي لحظة الفراقلازم هنا يتفارقون لان المهمه الي كانت على البنات انجزوها

احمد ماله فيالغزل ولا هالكلام الفاضي لكن من جد اعجب بهدى

اخلاقها جمالها وكل الياكتشفها فيها في الدقايق الي قظوها سوا بالحمام

لكن استحى وخاف انها تفهمهغلط اذا طلب رقم جوالها لانه هو وسيله الاتصال الوحيده الي راح تكونبينهم

هدى قاطعه الصمت الي هم فيه : يالله يا احمد تامرنا شي .... اظنناسوينا الي علينا ... واستر ما وجهت

احمد وهو متحسف لانه بيفارقهم : لامشكوره ... وماقصرتم ...بيض الله وجوهكم ... بس

هدى عاقده حواجبها: ايش

احمد : ابد سلامتك ... انتم تامروني شي

هدى : تسلم ماتقصر

احمد : جد والله لا يردكم الا لسانكم ( احمد اخرطي ماعنده سالفه بس ودهيطول السوالف)

هدى : لا ما تقصر يالله حنا نستأذن ... واستر ماوجهت

احمد : ما وجهنا الا الستر ... انتم الي استروا ما واجهتم

هدىوهي تضحك: لا ما عليك اهم شي لا عاد تعيدها وتأكد مره ثانيه من الحمام قبل ما تدخلفيه

احمد : ان شاء الله ...

هدى وروان: باااااي

احمد : باااااااي

وتفارقوا وكانت هذي لحظة الوداع الاخيره الي كانت قبل خمس اشهر منالحين...

احمد من ذاك اليوم وهو ما يفكر الا في هدى وكيف ووينبيلقاها مره ثانيه ...

وفكر... هل يا ترى الزمن بيخلينا نلتقي مره ثانيه؟؟؟

النهـــــــــــــــــــــــــــــــــــــــاية

أرجوأن تكون القصة عجبتكم

ولكن لى عدة أسئلة

1- هل ممكن أن يولد الحبفى ساعة واحدة من التعارف وبالحمام ؟

12 ماذا تتوقعون أن يكون شعور هدى تجاهاحمد ؟

2- وهل تتوقعون الزمن كفيل انه ينسي احمد هذا الحب ؟

منقووووول

**ضحكة الدنيا** · 09-17-08, 09-17-08

يااااااااااااااااااااااي القصه رووووعه

تسلم لنا دياتك

ياليت لها تكمله

ربي يعطيك الف عافيه

الحب في كل مكان
سلآآآآآآآآآمـ..

أمير البحار · 09-17-08, 09-17-08

واللللللله رووووووووووعة هالقصة

شكلي بشتري هالحمام خخخخخخخخخخ

تشكر يالغلا

تقبل تحياتي

أمير البحار

**صدى الترحال** · 09-19-08, 09-19-08

- هل ممكن أن يولد الحبفى ساعة واحدة من التعارف وبالحمام ؟ يمكن عادي ه شي كل شي يجووز يصير

12 ماذا تتوقعون أن يكون شعور هدى تجاهاحمد ؟
أخجلت جدا منه ولاكن اكيد حست انه انعجب بها

2- وهل تتوقعون الزمن كفيل انه ينسي احمد هذا الحب ؟
ادا كان متأثر جدا اي عادي يجوووز كل شي

**القلب المجروح** · 09-19-08, 09-19-08

مشكورين ع مرورك الجميل
يعطيكم العافيه جميعنا

**ميسون** · 03-23-09, 03-23-09

قصة روعه يعطيك العافية

**.. غ ـــموض أنثى ..** · 03-23-09, 03-23-09

لي عودهـ..

لقرأتها ..

**الدب الأبيض** · 04-11-09, 04-11-09

الله يعطيكم العافييييييييييييييييييييية
الف الف الف عافييييييييييييييييييييية ياررررررررررررررررررررررررررررررررررررب

**bo_em2d** · 04-11-09, 04-11-09

مشكووورة بقوة على القصة الفلة

**‏Ḿįķάђě••** · 04-11-09, 04-11-09

يسلموو يا الغلا عــ الطرح الرائع ،، ^^

لا عند و لا خلا ،،

تقبلي خآلص احترامي ،،

Mikahe

**❀ Camelia ║** · 04-11-09, 04-11-09

مشكوره ع الطرح يالغلا
القصه مررره حلوه
تقبلي مروري
ســــــــــلام

**EmoOo** · 04-19-09, 04-19-09

قصه روعه تسلم يمنك حبيبتي ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من خلق المسلم	LEO	دين ودنيا	4	08-13-10 08-13-10
رومنسيته صلى الله عليه وسلم	عاشق الصمت	منتدى الشعر و الخواطر	8	09-16-09 09-16-09
رسائل للجوال (أكثر من ألف رسالة)!!!	.. BONAJI ..	منتدى الشعر و الخواطر	4	10-20-07 10-20-07
صفات حبيبي محمد روحي فدااااااااااااااااااه...	أسير الشوق	منتدى الشعر و الخواطر	3	03-05-07 03-05-07
جميع القصص بالقرآن الكريم	ابو راشد	دين ودنيا	3	02-22-07 02-22-07

الحب بدأ في الحمام !!!أكرمكم الله...

حاكايات وقصص وروايات من مختلف الألوان والأزمان ..