كيــــف تتعامليـــن مع اخوانك (( موضوع مامر علينا ))

**~ ... reefo ...~~** · 07-03-09, 07-03-09

هووولا وولله بكل الي طبو فيــذا

يالله انك تحيهم

..

المهم صراحــه انا مسكت معي اتكلم بموضوع ماسبق وتناقشنا فيه ..
وهي علاقت البنت بأخوانهــا

<< ادري بتقولون وش تبي ذي ..

بس بالاول خلونا نتكلم عن وضعنا الحالي الي يجيب المــر

نبدا بالبنت سوكره الدنيا

تلقونها من تشوف اخوهــا وهي تهذر بينها وبين نفسها ( ياليييل وش يبي ذا الحقــنه اكيد بيطلع الحين بسالفه روحي جيبي .. ولا وين مدري ايش ولا جيبي اللاب من الملحق ولا غرفتي مغبره بس مابي الشغاله تنظفه .. الخ الخ الخ) . فتلقاها علطوول تمد بوزها

<=== مالومها

..شباب ترا امزح :48 : < -- تخاف توصلها بيالة شاهــي..

ونتيجه لرده الفعل الي عصفت بوجه حضره سعادت جناب بنتنا الفاضله تلقى الاخ الكريم من يشوفها يقول بنفسه ( ياصبر بس على ذا الخشه بالله انا ربي بلاني بخوات يجيبن المر لانفع ولا منفعه )

<< بعد مالومه

.. لحضه ماتفقنا على كذا ترا انا مع الحق

...
نجي للصوره الثانيه .. نوير ومنيره يبن يروحن للسوق ..

نويــر :: مناير دقي على سعد قولي له نبي السوق
منيره :: اها بس المره الي راحت انا داقه عليه دقي انتِ الحين ..
نويــر :: مناير ياحبيلك ولله استحي منه << ركزوا على هالنقطه

منيره :: ليش قالوا لك وجهي مغسول بمرق << حتى ذي يبيلها جلد
...
بعد مناوشات .. دامت نص ساعه وقرب اذان المغرب ..
دقت وحده منهن على سعادهـ الشيخ سعد ..
سعد:: طيب ورا ماقلتوا لي الا الحين مابقى الا نص ساعه ويأذن

تعقيب :: شبابنا الفاضلين مايطلعون بك كذا بدون كم تعليق يرفع الضغط .. يا يقولك ليه متـأخرين ..يا الخميس الي قبل العام انا موديكم للسوق كل يوم تطلعون <-- !! ... الخ من التعليقات الغبيه !

...

من الاخر كل وحده تعرف هالكلام عشان كذا ماراح اهذر فيه واجد وبنروح للاهم..
الي هو هل في مجال تتطور معاملتنا للافضل ؟!

بنت يالي هناك معليه ركزي معي شوي

سؤال يسدح نفسه .. كيف شكلك بالبيت ؟!

ج/ ..............

تعقيب : جوابك بينك وبين نفسك

طيب بعد ماجاوبتي ..فيه الي شكلها متعجرف وحويسه وفيه الي مرتبه ..
قبل لا ندخل بناقاش عشان ماحد يقول وش تبين بالنقطه هذي ..
نشوف الايه هذي ..
قال الله تعالى :
((ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو
أبناء بعولتهن أو إخوانهن أو بني إخوانهن أو بني أخواتهن أو نسائهن أو ما
ملكت أيمانهن .. الآيــه ))
يعني ؟؟؟ الزينه شي عادي وبالعكس مطلوب قدام اخوانك وخواتك بحدود المباح .. << يعني لاحد يقلقني ويقول تبين البس بنطلون وتي شيرت عند اخوي ولا تبين البس له قصير ومدري ايش ..
طبعا انا لي قناعات بس انا هنا اتكلم خارج قناعاتي .. ايه البسي بنطلون بس البسي معاه بلوزه ولا قميص بس يكون طويل شوي .. ماتوقع فيها شي بعد !
.. و القصد من هالنقطه .. خلي اخوك اذا شافك انفتحت نفسه على الاقل ياخذ فكره كويسه عن بنات وطنه

نجي للنقطه الثانيـــه ..
وهو كيف تقابلين اخوك الجميل ولا الشين كله واحد

مثلا من تشوفين اخوك خلي ع وجهك ابتسامــه من يدخل الغرفه الي انتِ فيها عطيه كم كلمه استهبال
• هلا بالشين ..
<- غالبا بيكون رده هلا بالزينه وان صار وده يتنيذل بيقول هلا بالي اشين من الشين

.. واخلي لكم باقي الحوار

• يوووه جاء المزعـــج

اذا صار يحب الشر بيقولك الحين تجيك قنوعه وتعرفين من المزعج <-- اذا صار كذا ترا مالي دخل وانسي اني قلت شي

• ياشيخ ولله اني مشتـــآقه لك
اهاااا وهذي عاد اكيد بيقولك وش عندك

والاكيد اذا هو تعود على تعليقاتك هذي بيفقدك حتى لو صرتي نايمه بوقت متعود يشوفك فيه وتأكدي بيجي يقلقك ويقومك بس يبي يعاندك ويستهبل عليك

نجي للنقطه الثالثه ..

انتِ تقعدين مع اخوك وتسولفين معاه وتتناقشون ولا من تشوفيه تشغلين نفسك بأي شي >> بصراحه عاد هم الله يهديهم يوجعون الراس من تعطين الوحد وجه يبدا يقص لك احداث وبطولاته بس ماعليه تحملي عطيه جوه شوي ..
واخر مايخلص قولي له ابي ايسكريم من باسكن

وابئي ابليني اذا قال لا

<<<---خبره بالاستغلال

النقطه الرابعه ::
نرجع للفن الي قبل شوي

نويــر :: مناير ياحبيلك ولله استحي منه << ركزوا على هالنقطه

<<< وش تحسبه هنــآ !!

بالله عليــك اذا اخوك تستحين منه اجل من الي ماتستحين منه؟؟
يجي وهو اعمى يوديك اذا مو اليوم بكرا >> شباب ترا امزح يعني

انتِ بس غيري طريقة اسلوبك معاهـ ..
يعني اذا حضرتك دقيتي عليه قولي هلا فلوون =( تدليعه فلان

) كيفك ؟ الا وينك بعيد ..
(هنا اهم شي) اذا قالك أي ولله بعيد .. قولي اجل خلاص ياحبيلك مازعجك يالله مع السلامه
هو علطول وعفويا بيقولك تعالي انتِ هيه وش عندك..
قولي له عاد الي عندك مع مهايط مثلا >> ولله ودي اروح اقص شعري عندي بكرا حفله بالجامعه وبيجون بنات زياره << للمعلوميه ماعندك الا الدجــه

هو بيقولك طيب كلها ربع ساعه واكون عندك

النقطه الدازعه والدزعون = 99<< يالله ياسرع الدنيا وشلون وصلنا لهنا

<- تعطي نفسها جو

اذا قعد يسوي انا خفيف دم ويتلكع عليك ويتمسخر لاتعصبين ××× << = خطأ خطأ خطأ

بالعكس ابتسمي بعدين ارفعي حاجبك واعفطي خشتك زي الاخ هذا >>>

بس مو تسوينها ممن جد سويها مع ابتسامه وقولي له اوريك يالتعبان مالت عليك .. وعطيه سيفون بس مو من اولها تقبسين وتلعبون جمباز ..

النقطه الي بعد الي قبلها ::

اهذري عليه بالتلفون ارسلي له مسجات ..
انا عندي اخوي كل ماشافني اكلم صقيقتي قالي ياليتني فلانه <-- حتى الاخوان يغارون وملحهم

الحين صرت كل يومين ارسله مسج صباح الخير ومن هالقرق ..
بس والله يعافيك اقري المسج قبل ترسلينه ..
مو ترسلين له مشتاقه لك وهو الي موديك للجامعه .. حركات ذي مالها داعي لانه احتمال يمسح رقمك ويقولك لاعمرك ترسلين انت وخشتك

النقطه الي ولله مدري وش وصلت له::

اذا الوالده من النوع الي اذا زعلت عليك راحه قالت لاخوانك ..
اسبقيها انتِ ودقي عليه وعلميه شسالفه حتى يسمعك وهو مروق ..
لانه اذا كلمته امك بيجيك منفعل ومارح يقدر يسمعك صوح .

النقطه الاخيــره ..

اذا تغيب اخوك عن البيت فتره ( مسافر .. كشته .او .. او.... او... ) دقي عليه قولي له ولله فاقدينك اذا ماتبين تدقين مسج يكفي ..

وبعد كل هالحكي صدقوني بتتغير طريقه معامله اخوك معـــاك للأفضل وبتكسبينهم
ولاتجيني وحده تقول اييييه بالطقاق ابوي موجود والسواق موجود لايابعدي
هذولا سندك بالحياه والله يخلي لك ابوك .. بس تخيلي بالنستقبل تطاقيتي مع رجلك وانتم تدرون المطاقات ملح الحياهـ

ابوك اكيد بياخذ الموضوع بعقلانيه وبيقولك هذا رجلك ومن هالحكي
بس بالله عليك من يببيرد كبدك فيه غير اخوك تلقينه بيروح يفقع وجهه يعيد ترتيب ضروسه

ياهوووه ترا امزح لاحد يقول وش تبي ذي المشكلجيه

من رايي انا ^^^ نوريهم العين التركواز ..

وسلامتكم ...

**нūιdα ›** · 07-04-09, 07-04-09

تسلمي غلاتي علي الموضوع النايس

وانا في رائي العين الزرقه

حبيبة قلبك
بنوته قمر

**ضحكة الدنيا** · 07-04-09, 07-04-09

والله حلووو المووضع
بس مع الاسف ما عندي اخ كبير >>

بس بجد حلوووو كتيييييييييييير
يعطيك العافيه

**~ ... reefo ...~~** · 07-05-09, 07-05-09

اقتباس:

المشاركة الأصلية كتبت بواسطة بنت قمر راكبة همر


	تسلمي غلاتي علي الموضوع النايس وانا في رائي العين الزرقه حبيبة قلبك بنوته قمر

عيونك الحلوة ..

لالالالا انا وزهوري العين التركواااااااااااز ...

هههههه ...

يسلمووو غلاتي على المرور الحلو زيك ...

**~ ... reefo ...~~** · 07-05-09, 07-05-09

اقتباس:

المشاركة الأصلية كتبت بواسطة ضحكة الدنيا


	والله حلووو المووضع بس مع الاسف ما عندي اخ كبير >> بس بجد حلوووو كتيييييييييييير يعطيك العافيه

عيونك الحلوة ...

خلااااااااص سوي لاخوانك الصغااار ^^ هههههه

يعطيك العافية غلاتي على المرور .

**{{آهات السنين}}** · 07-05-09, 07-05-09

مشكووووووره غلاتي ع الطرح ...
تقبلي تحيأأأأأتي اهووته,,,

**~✿{ ڠ ــزَآلْۃ آلْـ ڹّ ـۈژ . . ~** · 07-05-09, 07-05-09

ههههههههههههههـ
موضوع فلللللللللله

بس بـ صرآحه آلأخوآن قلق لو تدلعينهم أو تعطينهم وجه
وأشين شي أشين شي لآصرتي مشغوله في حآجه جابلك شغله له
بس زين فيه مصآلح مشتركه فيهم وان رفضواا شي عـ طول لاابوي ويجي وهو رآقي فوق آلرصيف
من آلحمق

ميرسي حبي
لآعدمناكِ يآعسل

**سمبوسـہ . .❤** · 07-06-09, 07-06-09

يسلمو حياتو على الموضوع

زي ما قالت ضحكة الدنيا انا اكبر وحد

واخواني صغار

ما يمشو الى بضرب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

كيــــف تتعامليـــن مع اخوانك (( موضوع مامر علينا ))

كل ما يتعلق بأفراد الأسرة و جنون الموضة